今日返工有幾艱難唔多講，好多謝我超級離地同超級膠嘅經理，係九點鐘嘅時候即刻撥個輪俾診所，審犯咁問邊個返咗工。知道姑娘2未返到嘅時候，即刻WhatsApp佢話雖然知道今日鐵路故障，但係唔該你遲到你講聲我知。
查實你個電話都係街道打，你都仲未返到Office。同埋話俾你知有乜春用？你係咪入嚟幫我開舖？你係咪識得幫我聽電話洗傷口打針等等？你係咪即刻幫我班架車過嚟，又或者叫老闆飛車接我，定係可以我叫Uber，佢收我成千蚊你都會出返公數？唔係嘅你收聲。我估啲客會明白點解今日人遲到診所未齊人囉。
～～～
話說診所長期請唔到醫生同埋請唔到姑娘。剩低嘅姑娘1已經做到傻傻地。由於越來越多大陸客嘅關係，姑娘1將三文兩語融會貫通。佢會對住個客（用廣東話）：「我有冇收你（跟著轉Channel用普通話）$XX塊？」
平時拎起電話就會話Hello呢度係X X診所。做到傻嘅時候，有個客入嚟佢都會自然望住佢講Hello呢度係X X診所。
最搞笑嘅係我哋啲膠膠地嘅經理好似放棄咗繼續努力請醫生同請姑娘。覺得我哋自己搞得掂就得過且過。可唔可以分番份糧俾我哋？
～～～
姑娘2為咗發洩買咗成箱香印青提😍😍😍😍
Search